Ek saal kuch kam nahi hota,
Zindgi ke kuch saal me ek saal kuch kam nahi hota...
Abhi to jese maine Tasman ki admission ki thi,
abhi abhi to logo se jaan pahechaan ki thi,
Jaan pahechaan se dosti ke safar me
ek saal kuch kam nahi hota...
Wo dar badar cv batna aur
cv se subway ki wo job
Zindgi ke experience ki list me
subway ka ek saal kuch kam nahi hota...
Anjane chehro ka nakab tha,
man me thoda sa bholapan bhi tha,
Per sach ka samna karne ke liye
ek saal kuch kam nahi hota...
Parivar dosto ke sath guzare 20 saal maine
per unse dur ho kar jaana ki
Ek saal tanhai me khud ko paana
kuch kam nahi hota...
Kuch risto ko paaya, uss se jyada maine khoya,
per iss shatranj me maine bahot kuch shikha,
Ek saal me pyaade se wazeer ka safar
kuch kam nahi hota...
- Radhika Nagori
1st April,2012 at 11;45.
